Anggota DPR RI

Ana salah sawijine wong desa kapilih dadi anggota DPR RI, pawongan kasebut sowan menyang daleme Pak Kyai ing kalurahane kanthi nitih mobil mewah, supir lan ajudane.

Anggota DPR RI          : Pak kyai hebat lan misuwur pundi kula kaliyan pak Lurah?

Pak Kyai                       : Nggih jelas panjenengan ta pak, gajine mawon setunggal banding setunggal ewu

Anggota DPR RI          : (Esem bombong, banjur takon maneh) menawi kaliyan Bupati Pak Kyai?

Pak Kyai                       : Taksih hebat DPR RI, anggadhahi kewenangan nentokake anggaran.

Anggota DPR RI        : Menawi kaliyan mentri Kyai?

Pak Kyai                       : Nggih taksih hebat DPR RI, mentri ajrih kaliyan DPR RI.

Anggota DPR RI       : Inggih, leres-leres pak, (Saya bungah lan bacutake pitakone) menawi kaliyan presiden, Kyai?

Pak Kyai                     : Inggih DPR RI ta, Presiden nggih ajrih kaliyan DPR RI.

Anggota DPR RI       : Lha menawi kaliyan Kanjeng Nabi, dos pundi pak Kyai?

Pak Kyai                     : (Meneng rada suwe, mikir banjut mangsuli) yaa.. taksih hebat DPR RI.

Anggota DRP RI        : Kok saged? Wah Pak Kyai onten-onten mawon.

Pak Kyai                     : Kanjeng Nabi taksih ajrih kaliyan Gusti Penegeran! Dene DPR RI sampun boten ajrih kaliyan Gusti Pengeran!!!